بەپێی هەواڵی کوردپرێس، حەفیزە گایا ئەرکان سەرۆکی بانکی ناوەندیی تورکیا لە تۆڕی کۆمەڵایەتی ئێکس، دەستلەکارکێشانەوەی لە پۆستەکەی ڕاگەیاند و هەموو ئەو تۆمەتانەی ئاراستەی کراون بە لێدان لە کەسایەتی خۆی وەسفکردووە.
لەلایەن خۆیەوە، محەممەد شیمشەک، وەزیری دارایی تورکیا لەبارەی بڕیاری وازهێنانی بانکی ناوەندیی تورکیا لە کارەکەی رایگەیاند، ئەوە بڕیارێکی شەخسییە.
دەستلەکارکێشانەوەی حەفیزە گایا ئەرکان دوای زنجیرەیەک هێرشی کارمەندانی پێشوو و ئێستای بانکی ناوەندیی تورکیا هات کە تۆمەتباریان کردبوو بەوەی رێگەیداوە بە باوکی بەشداری بکات لە بڕیارەکانی بانکی ناوەندیی و رێگریشی نەکردووە لە خەرجی ناپێویست و خەرجی زیادەشی لە بودجەی بانکەکەدا کردووە.
ڕەجەب تەیب ئەردۆغان لە ۹ی حوزەیرانی ۲۰۲۳، حەفیزە گایا ئەرکانی وەک سەرۆکی بانکی ناوەندیی دەستنیشانکرد، ئەمەش یەکەمجار بوو لە مێژووی کۆماری تورکیادا، ژنێک ئەو پۆستەی پێبدرێت.
Your Comment