بەپێی هەواڵی کوردپرێس، کەمال محەممەد وەزیری سامانە سروشتییەکانی حکوومەتی هەرێم لە کاتی بەشداری کردنی لە کۆڕبەندی مێپس ۲۰۲۳ لە دهۆک، ڕایگەیاند: "هەوڵەکان لەگەڵ لایەنە پەیوەندیدارەکان بەردەوامن بۆ دووبارە هەناردەکردنه‌وه‌ى نەوتی کوردستان".
ناوبراو وتیشى: "تورکیا و عێراق ئامادەیی خۆیان بۆ هەناردەکردنەوەی نەوتی کوردستان دەربڕیوە، تاکە کێشەی بەردەم دەستپێکردنەوەی پڕۆسەکەش، تێچووی دەر‌هێنان و بەرهەمهێنانی نەوتە و کار بۆ چارەسەرکردنی ئەو کێشەیەش دەکرێت".
هه‌روه‌ک وه‌زیرى سامانە سروشتییەکان وتوویه‌تى: کۆتایی ئەم مانگە وه‌فدێکى حکوومەتی هەرێم بۆ تاوتوێ کردنی پرسی هەناردەکردنەوەی نەوت لەگەڵ بەرپرسانی عێراق، سەردانی بەغدا دەکات، و وتیشی: پێشبینی دەکەم پێش کۆتایی ئەمساڵ نەوتی کوردستان هەناردە بکرێتەوە.
کەمال محەمەد ئه‌وه‌شى وت: "ڕاگرتنی هەناردەکردنی نەوتی کوردستان بەبڕی زیاتر لە ۷ ملیار دۆلار زیانی به ئابووری عێراق گەیاندووە".
Your Comment