بەپێی هەواڵی کوردپرێس، ئیلهام ئەحمەد هاوسەرۆکی ئەنجومەنی سووریای دیموکرات لە گفتوگۆ لەگەڵ ئاژانسی بیانتی بەریتانی ڕایگەیاندووە: لە کۆتایی ساڵی ۲۰۱۳ ئەو کاتەی یەکینەکانی پاراستنی گەل ئاسایشی سنوورەکانیان دەپاراست لەگەڵ بەرپرسانی وەزارەتی دەرەوەی تورکیا کۆ بووینەوە و بەرپرسانی تورکیا بە ڕاشکاوی بە منیان وت: "ئێمە سوپاسی ئێوە دەکەین چوونکە هێزە کوردەکان سنوورەکان دەپارێزن و هەر بەبۆنەی ئەم هێزانەوە سنوورەکان ئارامن، بەڵام لە هەر شوێنک هێزەکانی سوپای ئازاد بن کێشە و گرفتی هەمیشەیی هەیە".
ئیلهام ئەحمەد ڕاشیگەیاندووە: «ئەنقەر زیاتر لە هەر لایەنێکی دیکە دەزانێت کە ئێمە هەرگیز نابینە هەڕەش بۆسەر ئاسایشی تورکیا. لە بواری دیموکراسیشەوە کاریگەریی ئەرێنیمان بووە. ئەگەر ئاسایش و ئاشتی لە باکوور و ڕۆژهەڵاتی سووریا جێگیر ببێت، کاریگەریی ئەرێنیی ئێمە زۆر زیاتر دەئەکەوێت».
لە کۆتاییدا سەرۆکی دەستەی جێبەجێکاری MSD جەختی کردەوە کە پڕۆژەی بەڕێوەبەرایەتیی خۆسەر لە باکوور و ڕۆژهەڵاتی سووریا کاریگەریی ئەرێنی لە سەر تورکیا دەبێت بەڵام دەسەڵاتی ئێستای تورکیا ئەم دۆخە وەکوو هەڕەشەیەک وێنا دەکات ئەمەش لە حاڵێکدایە کە بەڕێوەبەرایەتیی خۆسەر قەت مەترسیی بۆسەر ئاسایشی نیشتمانیی تورکیا دروست نەکردووە.
Your Comment