بەپێی هەواڵی کوردپرێس، عەلی حەمە ساڵح پەرلەمانتاری خولی پێنجەمی پەرلەمانی هەرێم لە پۆستێکی فەیسبووکدا نووسیویەتی، کەریم عەلی ئەندامی ئەنجومەنی پارێزگای سلێمانی لەسەر چەند وتەیەکی لە بارەی کردەوەی قاچاخ لە مەرزی پەروێزخان دەستگیرکراوە.

لە ماوەی رابردوو لەسەر سکاڵای وەزارەتی دارایی هەرێم، بریاری دەستگیرکردن بۆ کەریم عەلی ئەندامی ئەنجومەنی پارێزگای سلێمانی دەرچوو، خۆشی لە بارەی سکاڵاکەوە دەڵێت: "تەنها لەبەر ئەوەی بەرگریم لە داهاتی وڵاتەکە کردووە بڕیاری دەستگیرکردنم بۆ دەرچووە."

تا ئێستا هیچ لە لایەنە ئەمنییەکانی هەرێم، ڕوونکردنەوەیان لە بارەی دەستگیرکردنی ئەو ئەندامەی ئەنجومەنی پارێزگای سلێمانی بڵاو نەکردوەتەوە.