بەپێی هەواڵی کوردپرێس، لە راگەیەندراوەکەدا هاتووە، کە هێرشەکانی سوپای تورکیا لە سەرتاسەری هەرێمەکە بەردەوامە، بەڵام هێزەکانیان چالاکی کاریگەری بەرپەرچدانەوە ئەنجام دەدەن.

لە درێژەی ڕاگەیەندراوەکەدا هاتووە:  لە گوندی ئێبلێ سەر بە شارۆچکەی بابێ، هێزەکانمان هەڵمەتێکیان بۆ سەر چەکدارەکان ئەنجامدا. لە ئەنجامی ئەم چالاکییەدا ١٥ چەکدار کوژران و ٦ یش بریندار بوون.

دەشڵێن ۳ وێستگە و ۳ ماتۆڕسکیل و ئۆتۆمبێلێک و کۆگایەکی تەقەمەنی تێکشکێنراون و دەستیش بەسەر ژمارەیەک کەرەستەی سەربازیدا گیراوە.