لەتیف نێروەیی لێپرسراوی بۆردی هەماهەنگی و بەدواداچوون لە دەزگای هەڵبژاردنی یەکێتیی نیشتمانیی کوردستان لەبارەی بەشداری نەکردنی کورد بە یەک لیست لە هەڵبژاردنەکانی دابێی ئەنجومەنی پارێزگای کەرکووک وتی بە تەئکید ئەگەر کورد بۆ بەشداری لە هەڵبژاردنی ئەنجومەنی پارێزگای کەرکووک خۆی لە چوارچێوەی یەک هاوپەیمانێتی و یەک لیست ئامادە بکردایە دەنگی زیاتری بەدەست دەهێنا و کورسییەکان بۆ کورد زیاتر دەبوون و ئەو کاتە لە پێکهێنانی ئیدراەی نوێی خۆجێیی کەرکووک ڕۆڵی سەرەکیمان دەبینی.

ناوبراو زیاتر وتی: بەداخەوە بەهۆی بیانووی جیاجیا دواجار لایەنە کوردییەکان بەپیریی بانگەوازەکەی یەکێتییەوە نەهاتن و بە هەندێک لیستی سەربەخۆ و جیاواز بەشداری دەکەن و خۆیان دڵنیان کە ئەو دەنگانە دەسووتێن و فەوتانی ئەو دەگانەش لە بەرژەوەندیی لایەنەکان و پێکهاتەکانی دیکەی کەرکووکدایە.

لەتیف نێروەیی سەبارەت بە مەترسی لەسەر پۆستی پارێزگاری کەرکووک کە ئەگەری هەیە یەکێتی و کورد بەگشتی ئەو پۆستە لەدەست بدەن بە کوردپرێسی ڕاگەیاند: بەڕای ئێمە هێشتا یەکێتی هێزی سەرەکی دەبێت لە کەکووک و دەتوانێت دەنگەکانی لەهەموو لیستەکانی تر زیاتر بێت و ئەو کاتە وەکوو ئیستیحقاقی دەنگ و ئیستیحقاقی کورسی دەبێت پۆستی پارێزگار بۆ یەکێتیی نیشتمانیی کوردستان بێت.