بەپێی هەواڵی کوردپرێس، لە کۆبوونەوەکەدا کە لە بارەگای مەکتەبی سیاسیی یەکێتی لە هەولێر بەڕێوەچوو، گفتوگۆ لەسەر دوایین ئامادەکارییەکان بۆ کۆنگرەی پێنجەمی یەکێتیی کرا کە بڕیارە رۆژی ٢٧ی ٩ی ٢٠٢٣ سازبکرێت.
سەرەتای کۆبوونەوەکە، سەرۆکی یەکێتی بە وردی دەربارەی گرنگیی کۆنگرە لە ژیانی حزبایەتیی یەکێتی و تێکۆشانی سیاسی دوا و رایگەیاند، کۆنگرە بۆ جۆشدانەوەی زیاتری خەباتە لە پێناو سەرخستنی بەرنامەی خزمەتکردنی کۆمەڵانی خەڵکی کوردستان و باشکردنی ژیان و گوزەرانیانە، کە ئەوەش بنچینە و بەرنامەی ستراتیژی نەگۆڕی یەکێتییە.
سەرۆکی یەکێتی لەمیانی گوێگرتن لە پێشنیاز و بیروڕای ئەندامانی سەرکردایەتی و پشتیوانیان لە پێویستی سازکردنی کۆنگرەیەکی سەرکەوتوو، جەختیلەوەکردەوە کۆنگرەیەکی سەرکەوتوو و یەکگرتوو ئەنجام دەدەین، پێکەوە دەچینە کۆنگرە و پێکەوە بەسەرکەوتوویی دێینە دەرەوە. وتیشی، بەدڵنیاییەوە نەریتی بەستنی کۆنگرە بەشێوەیەک ئاسایی دەکەینەوە کە وەک حزبەکانی رۆژئاوا دووساڵ جارێک کۆنگرە ببەستین.
سەرۆکی یەکێتی پێشنیاریشی کرد لە کۆنگرە ئەنجومەنێکی کارا لە هەڤاڵانی تێکۆشەر دروست بکەین کە سەنگ و دەسەڵاتی هەبێت و یارمەتی ئێمە بدات لە سەرخستنی کارەکانمان.
Your Comment