بەپێی هەواڵی کوردپرێس، لە دیدارەكەدا سەرۆكی حكوومەت پیرۆزبایی دەستبەكاربوونی لە كونسوڵی نوێ كرد و خواستی حكوومەتی هەرێمی كوردستانیشی بۆ پەرەپێدانی زیاتری پەیوەندییەكانی لەگەڵ ئەمریكا دەربڕی.

هەروەها ئاماژە بە پەیوەندیی مێژوویی و دۆستانەی هەرێم و ئەمریكا كرد و سوپاس و پێزانینی هەرێمی كوردستانی بۆ هاوكاری و پشتیوانیی بەردەوامیی ئەمریكا دووپات كردەوە. 

لای خۆیەوە كونسوڵی گشتیی نوێی ئەمریكا، ئامادەیی وڵاتەكەی بۆ برەودان بە پەیوەندی و هەماهەنگیی دوولایەنە نیشان دا.

گرنگیی  پاراستنی مافە دەستوورییەكانی هەرێمی كوردستان و چارەسەركردنی كێشەكان لەگەڵ حكوومەتی فیدراڵ لەسەر بنەمای دەستوور و ڕێككەوتنەكان، تەوەرێكی سەرەكی دیدارەكە بوو.