بەپێی هەواڵی کوردپرێس، ئێوارەی ئەمڕۆ سێشەممە هاکان فیدان، وەزیری دەرەوەی تورکیا بە فڕۆکەیەکی تایبەت بە سەرۆکایەتی شاندێکی وڵاتەکەی گەیشت بەغدا و لەلایەن فوئاد حسێن هاوتا عێراقییەکەیەوە پێشوازیی لێکرا و بەرەو ژوری کۆبوونەوە بەڕێکەوتن.
ئەوە یەکەمین سەردانی هاکان فیدانە بۆ عێراق دوای ئەوەی لە 3ی مانگی شەشی ئەمساڵدا کرایە وەزیری دەرەوەی تورکیا، بەگوێرەی ئەو زانیاریانەی کە بڵاوکراونەتەوە فوئاد حسێن و هاکان فیدان کۆنگرەیەکی رۆژنامەوانی هاوبەش ئەنجام دەدەن.
لەمیانی سەردانەکەیدا بۆ بەغدا، هاکان فیدان لەگەڵ بەرپرسانی باڵای عێراق کۆدەبێتەوە و دواتر سەردانی هەرێمی کوردستان دەکات و لەگەڵ بەرپرسانی هەرێم لەبارەی چەندین پرس گفتوگۆ دەکەن، دیارترینیان دۆسیەی ئەمنی و ئابوورییە.
بەشی عێراق و هەرێمی کوردستان- وەزیری دەرەوەی تورکیا گەیشتە بەغدا و لەگەڵ بەرپرسانی عێراق کۆ دەبێتەوە.
News Code 222022
Your Comment