بەپێی هەواڵی کوردپرێس، ئەحمەد یەنەر، سەرۆکی دامەزراوەی باڵای هەڵبژاردنەکانی تورکیا لەمیانی کۆنگرەیەکی رۆژنامەوانیدا رایگەیاند، رێژەی ۱۰۰%ی دەنگەکانی کاندیدانی سەرۆکایەتی جیاکرانەوە، رەجەب تەیب ئەردۆغان ۴۹.۵۱%ی دەنگەکان و کەمال کڵچدارئۆغڵو ۴۴.۸۸%ی بەدەست هێنا، هاوکات سینان ئۆغان ۵.۱۷%ی بەدەست هێنا، موحەڕەم ئینجەش کە سێ رۆژ لە هەڵبژاردنەکە کشابووەوە ۰.۴۴%ی دەنگەکانی بەدەست هێنا.

ئەحمەد یەنەر ئاماژەی بەوەش کرد، لە هەڵبژاردنی سەرۆک کۆماردا کاندیدەکان دەنگی پێویستیان بەدەست نەهێناوە و بڕیاردراوە ۲۸ی ئەم مانگە گەڕی دووەمی دەنگدان بەڕێوەبچێت.