بەپێی هەواڵی کوردپرێس، سه‌میر ھه‌ورامی وته‌بێژی قوباد تاڵەبانی جێگری سه‌رۆک وه‌زیرانی ھه‌رێمی کوردستان به میدیای فەرمیی یەکێتیی نیشتمانیی کوردستانی راگه‌یاند: "ئه‌مڕ‌ۆ ئه‌نجومه‌نی وه‌زیرانی ھه‌رێم کۆ ده‌بێته‌وه و تیمی وه‌زاری یه‌کێتیش به سه‌رۆکایه‌تی قوباد تاڵه‌بانی به‌شداریی کۆبوونه‌وه‌که ده‌کات".
شایانی باسە رۆژی دووشه‌ممه‌ی ڕابردوو قوباد تاڵه‌بانی جێگری سه‌رۆک وه‌زیرانی ھه‌رێم و مه‌سروور بارزانی سه‌رۆک وه‌زیرانی ھه‌رێمی کوردستان کۆ بوونه‌وه، بۆ چاره‌سه‌رکردنی کێشه‌کان به ڕ‌ێگه‌ی گفتوگۆ.
له کۆبوونه‌وه‌که‌دا جه‌خت له‌سه‌ر پاراستنی ته‌بایی و یه‌کڕ‌یزیی ناوخۆیی کرایه‌وه، له‌پێناو پاراستنی به‌رژه‌وه‌ندییه نیشتمانی و مافه ده‌ستوورییه‌کانی ھاووڵاتیانی ھه‌رێم.
Your Comment