بەپێی هەواڵی کوردپرێس، مەسروور بارزانی سەرۆکی حکوومەتی هەرێمی کوردستان لە پەیامێکدا بڵاوی کردەوە: "هێرشی سەر گوندی پەلکانەی ڕۆژئاوای کەرکووک، هەوڵێکی نەزۆکە بو تێکدانی ئەو کەشە ئەرێنییەی لەگەڵ سەرۆک وەزیرانی فیدڕاڵ خەریکین دروستی دەکەین بۆ ئاشتەوایی و چارەسەریی کێشەکان و هەنگاونان بەرەو سەقامگیری".
ناوبراو ئاماژەی بەوەش کردووە: "پەلاماردانی کوردانی پەلکانە و هەوڵی گۆڕینی دیموگرافی ناوچەکە لە ڕێگەی ترس و تۆقاندن سەرکۆنە دەکەین و داکۆکی لە سەر جێبەجێ کردنی مادەی 140ی دەستوور دەکەینەوە لە پێناو چارەسەرکردنی بنەڕەتیی کێشە هەڵپەسێردراوەکان و نەهێشتنی ئاڵوزی لەو ناوچانە و ڕەخساندنی زەمینەیەکی لەبار بۆ گەشەسەندنی هەرێمی کوردستان و ناوچەکانی دیکەی عێراق".
ئەو پەیامەی سەرۆکی حکوومەتی هەرێم لەکاتێکدایە، لە یەکەم رۆژی جەژنی رەمەزاندا، زیاتر لە 400 کەس لە عەرەبی هاوردە هێرشیان کردە سەر هاوڵاتیانی کوردی دانیشتوی گوندی پەلکانە و بەوهۆیەوە ژمارەیەک هاوڵاتی گوندەکە بریندار بوون.
Your Comment