بەپێی هەواڵی کوردپرێس، واین مارۆتۆ وتەبێژی ھاوپەیمانیی نێودەوڵەتی دژبە داعش، لە لێدوانێکی رۆژنامەوانییدا ئاماژەی بەوەداوە، ئەرکی ھێزەکانیان لە عێراق گۆڕانکاریی بەسەردا نەھاتووە کە بریتیە لە پێشکەش کردنی پاڵپشتی و مەشق و راھێنانە بە ھێزە ئەمنییەکانی عێراق.

واین مارۆتۆ ئەوەشی خستەڕوو، "بوونی ھێزەکان لە عێراق بۆ ریشەکێش کردنی چەکدارانی داعش، لەسەر داوای حکوومەتی عێراق بووە، ئێمەش ھاوبەشی یەکترین و ھەردوولامان ئامانجێکی ھاوبەشمان ھەیە کە ئەوەیش شکستپێھێنانی داعشە".

ناوبراو باسی لەوەش کرد، لە ئێستادا تەنها ھێزە عێراقییەکان لەسەر زەوی، شەڕی دژبە داعش دەکەن.

سەرچاوە: ئین ئاڕ تی

کۆدی هەواڵنێر: 60113