کوردپرێس:

بەرنامەیێکی سیاسی بۆ شرۆڤەکردنی ئەگەرەکانی هەڵبژاردنی داهاتوو و سیاسەتی حیزبەکان و لەوان پارتی دیموکراتیکی بۆ ئەو هەڵبژاردنە لە کەناڵی CNN تورکی بڵاو کرایەوە و ئەوەش کاردانەوەی ئەندامانی هەدەپەی لێکەوتەوە.

لە بەرنامەکەی CNN ی تورکیدا لەبارەی ئەو پرسیارەوە کە ئایا هەدەپە لە بەرامبەر هاوپەیمانێتیدا داوای وەزارەتی کردووە؟ هەموو کارناسانی بەنامەکە نوێنەرانی ئاکەپە و بزاڤی نەتەوەپەرست بوون و هیچ کارناسێکی هەدەپەی تێدا نەبوو ئەوەش لە کاتێکدا کە بەرنامەکە لەبارەی هەدەپەوە ساز کرابوو.

سارۆخان ئولوچ نوێنەری باڵای فراکسیۆنی هەدەپە لە پەرلەمان وێنەیێکی ئەو بەرنامەیەی لە تۆڕە کۆمەڵایەتییەکان بڵاو کردۆتەوە و ڕەخنەی لە بەرنامەکە گرتووە و دەڵێت: من بۆتان ڕوون دەکەمەوە بەڵێ هەدەپە داوای لە هاوپەیمانێتی کرد کە ئەم دیبەیتکارانەی بەرنامەکە بکات بە وەزیر و ئەو کات هەموومان بۆ کات ڕابواردن دانیشین سەیری CNN تورکی بکەین.

شایانی باسە بەرنامەو هەواڵە سیاسییەکانی CNN تورکی بە ئاشکرا لایەنگریی ئەو کەناڵە بۆ پارتی باڵادەستی تورکیای پێوە دیارە.