بەپێی هەواڵی کوردپرێس، وەزارەتی تەندروستیی هەرێمی کوردستان لە راگەیەنراوێکدا رایگەیاند، لە 24 کاتژمێری رابردوودا 680 تووشبووی نوێی کۆرۆنا لە هەرێمی کوردستان تۆمار کراون کە بە گوێرەی پارێزگاکان بەم جۆرە بووە، هەولێر 206 تووشبوو، سلێمانی 114 تووشبوو، هەڵەبجە 30، گەرمیان 25 تووشبوو و لە دهۆکیش 305 تووشبووی نوێ تۆمار کراوە.

ئەوەش هاتووە، لەو ماوەیەدا 270 تووشبووی پەتاکە چاک بوونەتەوە و 29 تووشبووش گیانیان لەدەست داوە کە بە گوێرەی پارێزگاکان بەمشێوەیە بووە، هەولێر 6 کەس، سلێمانی 7 کەس، دهۆک 12 کەس، راپەڕین 2 کەس و لە ئیدارەی گەرمیانیش 2 تووشبوو گیانی لەدەست داوە.

تائێستا لە هەرێمی کوردستان 39 هەزار و 341 کەس تووشی کۆرۆنا بوون، لەو ژمارەیەش 24 هەزار و 792 کەس چاک بوونەتەوە و هەزار و 446 تووشبووش گیانیان لەدەست داوە.

کۆدی هەواڵنێر: 60113