بەپێی هەواڵی کوردپرێس، وەزارەتی تەندروستیی حکوومەتی هەرێمی کوردستان ئاماری 24 کاژێری رابردووی تایبەت بە ڤایرۆسی کۆرۆنای بڵاو کردەوە و رایگەیاند 573 تووشبووی دیکەی ڤایرۆسەکە تۆمارکراون و بەوەیش کۆی گشتیی تووشبووان گەیشتە 36 هەزار و 556 کەس.

لە راگەیێندراوەکەی وەزارەتی تەندروستیدا هاتووە، 274 تووشبووی ڤایرۆسەکە چاک بوونەتەوە و رەوانەی ماڵەوە کراون.

وەزارەتی تەندروستی ئەوەی خستووتەڕوو کە 20 تووشبووی دیکەی ڤایرۆسەکە گیانیان لەدەست داوە.

تاوەکو ئێستا لە هەرێمی کوردستان 36 هەزار و 556 تووشبووی ڤایرۆسی کۆرۆنا تۆمار کراون، لەو ژمارەیە 23 هەزار و 100 تووشبوو چاک بوونەتەوە و هەزار و 340 تووشبوویش گیانیان لەدەست داوە.

کۆدی هەواڵنێر: 60113