بەپێی هەواڵی کوردپرێس، کازمی لە بەیاننامەیێکدا ڕایگەیاند: "کردنەوەی خاڵە سنوورییە وشکێنییەکان لەبەردەم جووڵەی بازرگانیدا پەسەند کراوە، ئەوەش بۆ دابین کردنی پێویستیەکانی بازاڕ وتیشی پێویستە لەسەر ڕێستۆرانت و هۆتێلە پێنج ئەستێرەییەکان ڕێکارەکانی تەندروستی جێبەجێ بکەن.

کازمی ئەوەشی خستەڕوو هەروەها لە عێراق لە 12 ی مانگی نۆدا کێبڕکێ وەرزشییەکانیش دەستپێدەکەنەوە. دامودەزگا حکومییەکان دەتوانن لە سەدا 50 ی کارمەندەکانیان بگەڕێننەوە سەر کار.

لە ماوەی ڕابردوودا وەزارەتی تەندروستی عێراق ڕایگەیاند ڕۆژی هەینی زۆرترین ژمارەی تووشبوون بە ڤایرۆسی کۆرۆنا لە وڵاتەکەدا تۆمار کراوە و 5,036 حاڵەتی تووشبوون بە ڤایرۆسەکە هەبووە.

کازمی وتیشی ڕێگە بە کارمەندانی کۆمسیۆنی باڵای هەڵبژاردنەکان دەدرێت ناوەندەکانی تۆمارکردنی دەنگدەران بکەنەوە.

کۆدی هەواڵنێر: 60113