کوردپرێس:
ڕۆژی چوارشەمە 2ی سێپتەمبێری 2020 ئیمانوێل مەکرۆن سەرۆکی فەڕەنسا لە سەرووی شاندێکی باڵای فەڕەنسی گەیشتە بەغدا و بڕیارە لەگەڵ بەرپرسانی باڵای دەوڵەتی فیدراڵی عێراق و بەرپرسانی هەرێمی کوردستان دیدار بکات.
ئیمانوێل مەکرۆن لە سەردانەکەی بۆ لوبنان کە پێش ئەم سەردانەی کردبووی ڕایگەیاندبوو کە کاری هاوبەش دەکەن بۆ ئەوەی هاووڵاتییانی عێراقی پاش نەهامەتی و نەحەسانەوەی ڕابردوویان بگەنە ئارامش و ئاسایشێک.
سەرۆکی فەڕەنسا پاش سەردانەکەی بۆ بەیرووتی لوبنان لە پرێس کونفڕانسێکدا وتبووی بە هاوکاریی نەتەوەیەکگرتووەکان نەخشەڕێگایێک بۆ سەروەریی عێراق پێشکەش دەکەن.
شایانی باسە میدیاکانی هەرێمی کوردستانیش ڕایانگەیاندووە کە نێچیرڤان بارزانی سەرۆکی هەرێمی کوردستان بۆ دیدار لەگەڵ سەرۆکی فەڕەنسا سەردانی بەغدای کردووە.
Your Comment