بەپێی هەواڵی کوردپرێس، له به‌یاننامه‌یێکدا شانه‌ی راگه‌یاندنی ئه‌منی له عێراق ئاشکرای کرد، دوو مووشه‌کی جۆری کاتیۆشا به‌ر بنکه سه‌ربازییه‌که که‌وتوون و ئاماژه‌ی به‌وه‌ش دا، مووشه‌که‌کان له ناوچه‌ی را‌شدییه‌وه هه‌ڵدراون.
هه‌روه‌ها رایگه‌یاند، له داهاتوودا ورده‌کاری له‌باره‌ی ئه‌و هێرشه مووشه‌کییه راده‌گه‌یه‌نن، به‌بێ ئه‌وه‌ی زیانه‌کانی ئه‌و هێرشه ئاشکرا بکه‌ن و تا ئێستاش هیچ لایه‌نێک به‌رپرسیارێتی خۆی رانه‌گه‌یاندووه.
ماوه‌ی چه‌ند مانگێکه به به‌رده‌وامی ئه‌و بنکه سه‌ربازیانه‌ی عێراق که هێزه‌کانی ئه‌مه‌ریکا و هاوپه‌یمانی نێوده‌وڵه‌تی دژ به داعش لێی ده‌مینێنه‌وه، له‌لایه‌ن ده‌ستێکی نه‌ناسراوه‌وه ده‌کرێنه ئامانج.
کۆدی هەواڵنێر: 60113
Your Comment