کوردپرێس: به‌ گوێره‌ی راگه‌یه‌ندراوه‌که‌ 73 هاووڵاتی دیکه‌ که‌ره‌نتین کراون و له‌ 24 کاتژمێری رابردووشدا 2 هه‌زار و 928 پشکنینی نوێ ئه‌نجام دراون و زۆرترین پشکنین له‌ هه‌ولێر بووه‌.

له‌ باره‌ی تووشبووانه‌وه‌ وه‌زاره‌تی ته‌ندروستیی هەرێمی کوردستان رایگه‌یاندووه‌، 334 تووشبووی نوێ تۆمار کراون، که‌ زۆرترینیان له‌ هه‌ولێر بوونه‌ و ژماره‌یان 207 که‌سه‌، له‌ پله‌ی دووه‌میشدا دهۆک به‌ 77 حاڵه‌ت دێت و پاشان له‌ پله‌ی سێیه‌مدا سلێمانی به‌ 33 حاڵه‌ت و گه‌رمیان له‌ پله‌ی چواره‌مدا به‌ 17 حاڵه‌ت دێت و هیچ تووشبوویێک له‌ هه‌ڵه‌بجه‌ تۆمار نه‌کراوه‌.

ئه‌گه‌رچی هیچ پشکنینێک له‌ هه‌ڵه‌بجه‌ نه‌کراوه‌ و هیچ حاڵه‌تێکی نوێ تۆمار نه‌کراوه‌، به‌ڵام له‌ 24 کاتژمێری رابردوودا 10 که‌س له‌و پارێزگایه‌ چاک بوونه‌ته‌وه‌ و کۆی گشتیی چاکبوونه‌وه‌ له‌ هه‌رێم 122 که‌سه‌، که‌ زۆرترینیان له‌ هه‌ولێره‌ و ژماره‌یان 77 که‌سه‌ و له‌ گه‌رمیان 26 و له‌ دهۆکیش 9 که‌س چاک بوونه‌ته‌وه‌ و ئاماری چاکبوونه‌وه‌ی سلێمانیش رانه‌گه‌یه‌ندراوه‌.

هه‌ولێر ئه‌گه‌رچی له‌ تووشبوون زۆرترین حاڵه‌تی له‌ 24 کاتژمێردا هه‌بووه‌، به‌ڵام له‌ مردندا سلێمانی پله‌ی یه‌که‌مه‌ به‌ 4 حاڵه‌ت و دهۆک پله‌ی دووه‌مه‌ به‌ 3 حاڵه‌ت و هه‌ولێریش ته‌نیا 2 حاڵه‌تی مردنی تێدا تۆمار کراوه‌. ئاماری گشتی به‌م جۆره‌یه‌:

* که‌ره‌نتین: 21157

* پشکنین: 207944

* تووشبوون: 14468

* چاکبوونه‌وه‌: 9299

* مانه‌وه‌ له‌ نه‌خۆشخانه‌: 4609

* مردن: 560

کۆدی هەواڵنێر: 60113