بەپێی هەواڵی کوردپرێس، عەبدولئەمیر شەمەری، جێگری سەرۆکی ئۆپراسیۆنە هاوبەشەکان بە میدیای فەڕمی عێراقی راگەیاندووە، بە زووی هێزێکی تایبەت لە ئۆپراسیۆنە هاوبەشەکان رەوانەی دەروازەی زورباتیە لە پارێزگای واست دەکرێت.
ناوبراو راشیگەیاندووە، کە رێکاری تایبەت و توند دەگیرێتە بەر بۆ بەرگرتن لە خراپ بەکارهێنانی دەروازە سنوورییەکان و چەسپاندنی یاسا تیایاندا.
عەبدولئەمیر شەمەری باسی لەوەش کردووە، سەردانکردنیان بۆ دەروازەکە بە مەبەستی کۆکردنەوەی زانیارییە لەسەر ناوچەکە و لە چەند رۆژی داهاتوودا هێزێکی تایبەت بۆ کۆنترۆڵ کردنەوەی دەنێردرێت.
لەماوەی رابردوودا، مستەفا کازمی، سەرۆک وەزیرانی عێراق بڕیاری دا بە کۆنترۆڵ کردنەوەی دەروازە سنوورییەکان و لە دەستپێکدا، هێزی تایبەتیی رەوانەی دەروازەکانی مونزریە و مەندەلی لە پارێزگای دیالە کرد.
کۆدی هەواڵنێر: 60113
Your Comment