بەپێی هەواڵی کوردپرێس، به‌گوێره‌ی راگه‌یه‌ندراوێكی یەکگرتوی ئیسلامی، سه‌لاحه‌دین محه‌ممه‌د به‌هائه‌دین ئه‌مینداری گشتیی یەکگرتوو به‌یاوه‌ری شاندێكی باڵا پێشوازیی له نێچیرڤان بارزانی سه‌رۆكی هه‌رێمی كوردستان و شاندێكی باڵای یاوه‌ری كرد.
لە کۆبوونه‌وەکه‌دا هه‌ردوولا تاوتوێی دواین پێشهاته سیاسیەکان و په‌یوه‌ندیەکانی هه‌رێمی كوردستان و به‌غدا و دۆخی ناوخۆی هه‌رێمی كوردستان و په‌یوه‌ندی نێوان هێزه سیاسیەکان و پرسی ئاماده‌سازیەکان بۆ هه‌ڵبژاردنی ئه‌نجومه‌نی نوێنه‌رانی عێراق گفتوگۆی له‌باره‌وەکرا.
له به‌شێكی تری دیدارەکه‌دا سه‌رۆكی هه‌رێمی كوردستان رۆڵی یەکگرتووی بەرز نرخاند له پرسه نیشتمانی و نه‌ته‌وایه‌تیەکاندا و رایگه‌یاند، ئه‌و تێگه‌یشتنه‌ی یەکگرتووی ئیسلامیی كوردستان خزمه‌ت به ئێستا و ئاینده‌ی كوردستان دەکات .
هه‌ر لە کۆبوونه‌وەکه‌دا پرسی پڕۆژه‌ی ده‌ستووری هه‌رێمی كوردستان قسه‌ی له‌سه‌ركرا و ئه‌مینداری گشتی ته‌ئكیدی له‌سه‌رئه‌وە کرده‌وه هه‌ر له‌سه‌ره‌تاوه یەکگرتوو له‌گه‌ڵ نووسینه‌وه‌ی ده‌ستووره، وهک مه‌رجعیه‌تێكی باڵا بۆ هاوڵاتیان و پێكهاتەکانی هه‌رێمی كوردستان.
کۆدی هەواڵنێر: 60113
Your Comment