کوردپرێس: وەزیری تەندروستیی تورکیا، فەخرەدین کۆجا لە توویتەر بڵاوی کردووەتەوە، ئەمڕۆ 33 ھەزار و 633 پشکنین ئەنجام دراوە. لەم چوارچێوەیەش 961 حاڵەتی تووشبوون بە ڤایرۆسی کۆرۆنای نوێ تۆمار کراوە.

هەروەها راگەیەندرا لە تورکیا لە ماوەی ٢٤ کاتژمێری رابردوودا، 27 کەس گیانیان لەدەست داوە و کۆی ژمارەی تووشبووان بە ڤایرۆسەکە گەیشتە 153هەزار و 548 کەس و کۆی گشتی ئەوانەی گیانیان لەدەست داوە گەیشتە چوار ھەزار و 249 کەس.

ھەر بەپێی داتاکان لە تورکیا، لە ماوەی ٢٤ کاتژمێری رابردوودا، بە زیادبوونی ھەزار و 3 کەس، کۆی ئەوانەی لە ڤایرۆسی کۆرۆنا چاک بوونەوە گەیشتە 114 ھەزار و 990 کەس.

لەلایەکی دیکەش وەزیری تەندروستیی تورکیا، فەخرەددین کۆجا لە تویتەر رایگەیاند: "ژمارەی ئەو نەخۆشانەی کە لە چاودێری چڕدان و پێویستیان بە ئامێرە ھەناسەدانی دەستکرد ھەیە لە کەمبوونەوە دایە و ئێستا گەیشتوونەتە 820 کەس.

کۆدی هەواڵنێر: 60113