بەپێی هەواڵی کوردپرێس، لە راگەیەندراوێکدا وەزارەتی تەندروستیی حکوومەتی هەرێمی کوردستان ئاشکرای دەکات کە کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان گەیشتە ٣٨٧ تووشبوو.

وەزارەتی تەندروستیی هەرێمی کوردستان ڕایدەگەیێنێت سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەم شێوەیە:

1. کەرەنتین

تاوەکو ئەوڕۆ ٩٦٨١ هاووڵاتی "ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان" کەڕەنتین کراون، لەئێستادا تەنها ١٣٠٧ هاووڵاتی لە ٣٣ شوێنی جیاوازی کەرەنتین ماونەتەوە؛ ٣٧٠ لە هەولێر، ١٧٤ لە سلێمانی، ٧٣٤ لە دهۆك، ٢٩ لە ڕاپەرین. وە ٨٣٧٤ هاووڵاتی لە کەرەنتین دەرچوونە و گەڕانەوەتە ناو خانەوادەکانیان دوای تەواو کردنی ماوەی ١٤ رۆژ وە ئەنجامدانی پشکنینی تاقیگەیی بۆیان وپشتراستکردنەوەی ئەوەی کە هەڵگری ئەو نەخۆشیە نین، لەگەڵ کەڕەنتین کردنی ژمارەیەکی تری هاووڵاتییان لە ٢٤ کاتژمێری ڕابردوودا کە کۆی گشتیان ٣٠ هاووڵاتی بوو.

2. پشکنین

لەماوەی ٢٤ کاتژمێری ڕابردوودا؛ ١٠٨٢ پشکنین ئەنجام دراوە لەسەر ئاستی هەرێمی کوردستان؛ ٤١٢ هەولێر، ٢٠٦ سلێمانی، ٣٠٠ دهۆك، ١٥ هەلەبجە، ٠ ڕاپەرین، ١٤٩ سۆران ، دەرەنجام ٦ تووشبووی نۆێ لە هەرێمی کوردستان تۆمارکرا بەم شێوەیەی خوارەوە:

پارێزگای هەولێر ٦ پۆزەتیڤ: ٥ پیاو تەمەنیان ٦٣، ٥٦، ٣٢، ٣٠، ٢٩ ساڵ و ئافرەتێك تەمەن ٣٤ ساڵ، هەموویان دانیشتووی قەزای سۆرانن لە گەڕەکی برایەتی و ٢٦ی گولان و کۆمەڵگای گەڵالە، و بەرکەوتەی تووشبووانی پێشوون.

کۆی گشتی ئەو پشکنینانەی کە ئەنجام دراوە لە سەرەتای سەرهەڵدانی ڤایرۆسی کۆڕۆنا ٤٣٣١٦ پشکنین بووە

3. ئاماری گشتی

کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان ٣٨٧ تووشبوو، لەنێویاندا ٥ مردن هەیە و ٣٣٠ نەخۆش چاک بووەتەوە، و ئێستا تەنها ٥٢ نەخۆش لەژێر چاودێری پزیشکی دان.

کۆدی هەواڵنێر: 60113