بەپێی هەواڵی کوردپرێس، ئازا مستەفا، بەڕێوەبەری گشتیی تەندروستیی هەڵەبجە ئەمڕۆ 26ی ئاپریلی 2020 لە میانی کۆنگرەیێکی رۆژنامەوانیدا رایگەیاند: ئەمڕۆ دوایین تووشبووی کۆرۆنا لە پارێزگای هەڵەبجە ڤایرۆسەکەی پەڕاندووە و گەڕێندراوەتەوە ماڵەوە و بەوەی سەرجەم تووشبووانی ڤایرۆسەکە چاک بوونەتەوە کە ژمارەیان 22 کەس بووە.

ئازا مستەفا ئاماژەی بەوەش کرد، دوێنێ شەو سێ پشکنین بۆ نەخۆشەکە ئەنجام درا و ئەمڕۆ ئەنجامی پشکنیینەکان دەرچوون کە دەرکەوتووە چاک بووەتەوە و ڤایرۆسەکەی پەڕاندووە.

بەڕێوەبەری گشتیی تەندروستیی هەڵەبجە باسی لەوەش کرد: تێپەڕاندنی کۆرۆنا بەقۆناغێکی نوێ لە هەڵەبجە دەست پێدەکات، ئەویش بە پابەندبوونە بە خۆپارێزی، هەموو بینای تەندروستیان بە ماسکێک داپۆشیوە، چوونکە تەنها چەکی دەستمان خۆپارێزییە و ئەو قۆناغە لە هەرێمی کوردستان بەهێز بوو.

کۆدی هەواڵنێر: 60113