کوردپرێس:

ڕۆژی دوو شەممە 13ی ئەیپرێڵی 2020 وەزارەتی تەندروستیی عێراق بڵاوی کردەوە: ”ئەمڕۆ تاقیگەكانی وەزارەتی تەتدروستی، 26 حاڵەتی نوێی توشبوون بە ڤایرۆسی كۆرۆنایان لە پارێزگەكانی نەجەف و واست و میسان و بەسرە و بابل و دیوانیە و زیقار تۆمار كردووە”.

هەر لە بەیاننامەكەدا هاتووە”دوو حاڵەتی گیانلەدەستدان بەهۆی ڤایرۆسەكەوە لە بەغدا تۆماركراون، تاقيگەكانی وەزارەتی تەتدروستی پشكنینی بۆ 2376 نمونە كردووە و 77 حاڵەتی چاكبوونەوەی تەواوەتی تۆماركردووە”.

وەزارەتی تەندروستی و ژینگەی عێراق دەڵێت:”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 1378 كەس و 78 حاڵەتی گیانلەدەستدان تۆماركراون و ژمارەی ئەوانەش كە نەخۆشییەكەیان پەڕاندووە و چاكبوونەتەوە گەیشتۆتە 717 كەس”.

کۆدی هەواڵنێر: 60101