به‌پێی هه‌واڵی کوردپرێس، نووسینگه‌ى ڕاگه‌یاندنى عه‌بادى له به‌یاننامه‌یێکدا ئاماژه به‌وه ده‌کات سه‌رۆک وه‌زیران چه‌ند بڕیارێکى له‌باره‌ى پارێزگاى زیقاره‌وه ده‌رکردوووه له‌وانه دامه‌زراندنى چه‌ند پله‌یێکى وه‌زیفى له پارێزگاکه و داواکردن له وه‌زاره‌تى دارایى بۆ دابین کردنى داراییى پێویست بۆ که‌رته جیاوازه‌کان، هه‌روه‌ک پێداچوونه‌وه به پرۆژه‌کانى گه‌شه‌پێدانى هه‌رێمه‌کان و پرۆژه‌ى ئاوى گه‌وره‌ى سه‌ماوه بکرێت و ده‌ست به کارکردنه‌وه بکرێت تیایاندا.
هاوکات حه‌یده‌ر عه‌بادى ڕه‌زامه‌ندى ده‌ربڕیوه له‌سه‌ر ته‌واوکردنى پرۆژه‌ى ئاوه‌ڕۆى ڕومێسه و دابین کردنى بودجه‌ى پێویست بۆ فه‌رمانگه‌ى ته‌ندروستى موسه‌نا بۆ کڕینى ده‌رمان و پێویستییه پزیشکییه‌کان.
نووسینگه‌ى عه‌بادى ته‌ئکیدی کردوووه‌ته‌وه که بڕیار دراوه به پڕکردنه‌وه‌ى خێرای پێویستییه‌کانى پارێزگاکه له کاره‌با و چه‌ند خزمه‌تگوزارییێکى‌ترى خێراى شاره‌که.
له سه‌ره‌تاى ئه‌م مانگه‌وه پارێزگاکانى ناوه‌ڕاست و باشوورى عێراق خۆپیشاندانى ناڕه‌زایییان به‌خۆوه بینى و هاووڵاتییانى خۆپیشانده‌ر داواى دابین کردنى کاره‌با و ئاو و خزمه‌تگوزاریه‌کانیان ده‌کرد ئه‌مه جگه له فه‌راهه‌م کردنى هه‌لى کار و کۆتایی هێنان به گه‌نده‌ڵى له وڵاتدا.
سه‌رچاوه: ئێن ئاڕتی
کۆدی هه‌واڵنێر: 60103
Your Comment