به‌پێی هه‌واڵی کوردپرێس، ڕۆژی سێشه‌ممه‌ 3ی ته‌مووز ئاژانسی هه‌واڵی ڕۆیتێرز بڵاوی کرده‌وه‌ ده‌زگا ڕاگه‌یاندنه‌کانی سه‌ر به‌ ڕێکخراوی داعش هه‌واڵی کوژرانی کوڕێکی ئه‌بووبه‌کر به‌غدادی سه‌رۆکی ڕێکخراوه‌که‌یان بڵاو کردوووه‌ته‌وه‌.

ئاژانسه‌که‌ له‌ پێگه‌ی (ناشر نیوز)ی سه‌ر به‌ ڕێکخراوی داعشه‌وه‌ بڵاوی کردوووه‌ته‌وه‌ "کوڕی ئه‌بووبه‌کر به‌غدادی له‌ شاری حیمسی ناوه‌ڕاستی سووریا کوژراوه‌."

له‌ هه‌واڵه‌که‌دا هاتوووه‌ "حوزه‌یفه‌ به‌دری کوڕی خه‌لیفه‌ به‌ شێوه‌ی ئینغیماسی له‌ نوسیره‌ له‌ وێستگه‌ی حه‌راری له‌ ویلایه‌تی حیمس کوژراوه‌."

ئینغیماسی بۆ ئه‌و چه‌کدارانه‌ی داعش به‌کار ده‌هێنرێت که‌ ئه‌رکێکیان پێده‌سپێردرێت و به‌ نیازی گه‌ڕانه‌وه‌ نین و له‌و ئه‌رکه‌دا ده‌کوژرێن یاخود ئه‌رکه‌که‌ به‌ سه‌رکه‌وتوویی جێبه‌جێ ده‌که‌ن.

له‌ ماوه‌ی چه‌ند ساڵی ڕابردووی شه‌ڕی داعشدا له‌ سووریا و عێراق چه‌ند جارێکیش هه‌واڵی کوژرانی ئه‌بووبه‌کر به‌غدادی بڵاو کرایه‌وه‌ به‌ڵام هیچ سه‌رچاوه‌یێکی داعش ئه‌و هه‌واڵانه‌ی پشتڕاست نه‌کردوووه‌ته‌وه‌.

سه‌رچاوه‌: ئێن ئاڕتی

کۆدی هه‌واڵنێر: 60103