به‌پێی هه‌واڵی کوردپرێس، بورهان مه‌زهه‌ر به ماڵپه‌ڕى "به‌غداد ئه‌لیه‌وم"ى وتوووه: دواى سه‌پاندنى یاسا ئه‌من و ئاسایش بۆ که‌رکووک گه‌ڕایه‌وه و هه‌ندێک جاریش به هه‌ڵه ڕووداوى نه‌خوازراو ڕوو ده‌ده‌ن وه‌ک كوژانى ژنێک له شاره‌كه.
ناوبراو وتیشى: پێكهاته‌ى عه‌ره‌بى له که‌رکووک داوا ده‌كات كه ڕێگه نه‌درێت ئه‌و ڕووداوه بێته هۆى دروست بوونى فیتنه و ئاژاوه له پارێزگاكه و له ئێستادا پێكهاته‌ى عه‌ره‌بى ڕازییه به‌و هێزه ئه‌منییانه‌ى بوونیان هه‌یه و حكوومه‌تى عێراقیش ئاسایش و ئارامى سه‌رجه‌م دانیشتوووانى که‌رکووک ده‌پارێزێت.
سه‌رۆكى كۆمه‌ڵه‌ى عه‌ره‌بى له ئه‌نجومه‌نى پارێزگاى که‌رکووک باس له‌وه‌ش ده‌كات: ئاسایش و پێشمه‌رگه‌ى كوردى به‌شى خۆیان ته‌جروبه‌یان هه‌بوو له که‌رکووک بۆیه پێویسته بارودۆخى ئێستا وه‌ک خۆى بمێنێته‌وه و هاتنى هه‌ر هێزێكى‌تر ره‌ت ده‌كه‌ینه‌وه.
شایانی باسه؛ به‌هۆى ئه‌و كێشه ئه‌منییانه‌ى له شاره‌كه روو ده‌ده‌ن داوا ده‌كرێت كه ژوورێكى پرۆسه‌كان دروست بكرێت كه ئاسایش و پێشمه‌رگه‌شى تێدا بێت به‌ڵام ئه‌مه له‌لایه‌ن عه‌ره‌ب و توركمانه‌كانه‌وه ره‌ت ده‌كرێته‌وه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment