کوردپرێس:

به‌گوێره‌ی ئه‌و زانیارییانه‌ی له‌ چه‌ندین سه‌رچاوه‌ی نزیک له‌ حکوومه‌تی سووریا وه‌ده‌ست هاتووه‌ یه‌که‌مین حاڵه‌تی مردن به‌هۆی په‌تای کۆڤیدی-19 له‌و وڵاته‌ تۆمار کراوه‌.

ڕۆژی 22ی مارچی 2020 هه‌واڵێک له‌باره‌ی تۆمارکردنی یه‌که‌مین تووشبووی کۆرۆنا له‌ سووریا بڵاو کرایه‌وه‌ که‌ حکوومه‌تی ناوه‌ندیی سووریا به‌مه‌به‌ستی پێشگری له‌ بڵاوبوونه‌وه‌ی ڤایرۆسی کۆرۆنا له‌و وڵاته‌ ڕێوشوێنێکی جۆراوجۆری گرته‌به‌ر له‌وان ڕاگه‌یاندنی قه‌ده‌غه‌ی هاتوچۆ چ له‌ ناو شار و چ له‌ نێوان شاره‌کان.

شایانی باسه‌؛ حکوومه‌تی سووریا ئامارێکی دروست له‌باره‌ی ژماره‌ی تووشبووان له‌و وڵاته‌ ناخاته‌ڕوو.

ڕامی عه‌بدولڕه‌حمان به‌ڕێوه‌به‌ری ڕوانگه‌ی مافی مرۆڤی سووریا به‌ K24ی ڕاگه‌یاندبوو که‌ ژماره‌ی تووشبووان به‌ ڤایرۆسی کۆرۆنا له‌ سووریا زیاتره‌.

سه‌رچاوه‌: هه‌واڵده‌ریی سانا

کۆدی هه‌واڵنێر: 60103