ئیره‌ج شوجاعی له‌باره‌ی یاساکانی هاتوچۆ له شاری مه‌هاباد به هه‌واڵنێری کوردپرێسی ڕاگه‌یاند: به‌پێی په‌سندکراوه‌که‌ی ژووری ڕووبه‌ڕووبوونه‌وه‌ی کۆرۆنای مه‌هاباد سه‌ردانی لادێ‌نشینان بۆ ناو شار ته‌نها له ئه‌گه‌ری پێویست و ته‌ئکیدی دێیار و ده‌رکردنی بڕگه‌ی هاتوچۆ مومکینه و ئه‌و لادێ‌نشینانه‌ی که دێیارییان نییه ده‌بێ بۆ وه‌رگرتنی بڕگه‌ی هاتوچۆ سه‌ردانی نزیکترین دێیاری بکه‌ن.
ناوبراو جه‌ختیشی کرد: جووتیارانی دانیشتووی مه‌هابادیش ده‌بێ به ئاراسته‌کردنی کارتی وه‌رزێری و کارتی نیشتیمانی و ئۆتۆمبێلی ژماره‌ی مه‌هاباد به‌بێ بنه‌ماڵه هاتوچۆ بکه‌ن.
قایمقامی مه‌هاباد له کۆتاییدا ته‌ئکیدی کرده‌وه: ڕۆژانی 12 و 13ی خاکه‌لێوه هه‌ر جۆره هاتوچۆ له ئاستی شار قه‌ده‌غه‌یه و ده‌ستخۆشی له هاووڵاتییانی خۆشه‌ویست ده‌که‌ین که ڕێنماییه ته‌ندروستییه‌کان ڕچاو ده‌که‌ن بۆ ئه‌وه‌ی پێشگری له گواستنه‌وه‌ی نه‌خۆشینی کۆرۆنا بکه‌ن.
کۆدی هه‌واڵنێر: 60103
Your Comment