کوردپرێس: لەسەر فەرمانی مەسروور بارزانی سەرۆکی حکوومەتی هەرێمی کوردستان، رۆژی هەینی 20-3-2020 شاندێکی حکوومەتی هەرێمی کوردستان بە سەرۆکایەتی رێبەر ئەحمەد وەزیری ناوخۆ بۆ بەسەرکردنەوەی جێبەجێ کردنی رێنمایی و رێکارەکانی رووبەڕووبوونەوەی ڤایرۆرسی کۆرۆنا سەردانی پارێزگای دهۆک دەکات.

هەروەها بە بڕیاری سەرۆکی حکوومەت، بڕی دوو ملیار دیناریش وەک یارمەتی بۆ زیانلێکەوتووانی لافاو لە دهۆک و زاخۆ خەرج دەکرێت.

پێشتریش لە راگەیەندراوێکی سەرۆکایەتی هەرێمی کوردستان ئەوە ئاشکرا کراوە، نێچیرڤان بارزانی سەرۆکی هەرێمی کوردستان لە پەیوەندییێکی تەلەفۆنیدا لەگەڵ فەرهاد ئەتروشی پارێزگاری دهۆک، پشتگیری بۆ کاری دامودەزگا پەیوەندارەکان بۆ بەهاناوەچوونی لێقەوماوان دووپاتکردەوە و بڕیاری دا وەک هاوکارییێکی بەپەلەی بەهاناوەچوون، بڕی (یەک ملیار دینار) لە سەرۆکایەتیی هەرێمی کوردستانەوە، پێشکەش بە ئیدارەی پارێزگای دهۆک بکرێت.

کۆدی هەواڵنێر: 60113