کوردپرێس:
کۆرۆناڤایرۆس و دابه‌زینی نرخی نه‌وت چالاکیی کۆمپانیا نه‌وتییه‌کانی به‌ره‌وڕووی کێشه کردۆته‌وه و ته‌نانه‌ت ئه‌م بابه‌ته کۆمپانیا نه‌وتییه بیانییه‌کان له هه‌رێمی کوردستان له‌خۆ گرتۆته‌وه.
پێشتر دوو کۆمپانیای دی ئێن ئۆی نۆروێژ و کی ستۆن ڕایان‌گه‌یاندبوو که بڵاوبوونه‌وه‌ی کۆرۆناڤایرۆس له هه‌رێمی کوردستان پڕۆسه‌ی هه‌ڵکه‌ندنی بیره نه‌وتییه‌کان و به‌رهه‌مهێنانی نه‌وتی خاوی له ژماره‌یێک له کێڵگه‌کان په‌ک خستووه.
کۆمپانیای جه‌نێل ئێنێرژی که کۆمپانیایێکی گرنگ و چالاکه له بواری نه‌وت له هه‌رێمی کوردستان باسی له کارتێکه‌ریی نه‌رێنیی کۆرۆناڤایرۆس له‌سه‌ر چالاکییه‌کانی ئه‌و کۆمپانیا له هه‌رێمی کوردستان کردووه.
جه‌نێل ئێنێرژی له به‌یاننامه‌یێکدا ڕای‌گه‌یاندووه که بڵاوبوونه‌وه‌ی ئه‌م ڤایرۆسه (کۆڤیدی-19) کارتێکه‌ریی زۆری له‌سه‌ر کار و چالاکییه‌کانمان له هه‌رێمی کوردستان داناوه.
کۆمپانیاکه باسی له دابه‌زینی زۆری نرخی نه‌وت کردووه و ڕوونی کردۆته‌وه: ئه‌گه‌ر نرخی نه‌وت بگاته خوار 30 دۆلار چالاکییه‌کانمان له هه‌رێمی کوردستان سوودێکی به‌دواوه نابێت.
کۆدی هه‌واڵنێر: 60103
Your Comment