کوردپرێس:
حامد زەوبەعی بریکاری وەزیری نەوتی عێراق بە رۆژنامەی "سەباح"ی نیمچە فەرمی وتوە "سامر غەزبان جێگری سەرۆک وەزیران و وەزیری نەوت لەئێستادا لە پەیوەندی بەردەوامدایە لەگەڵ دەوڵەتانی ئەندام لە رێکخراوی ئۆپێک و دەرەوەی رێکخراوەکە بۆئەوەی بۆچونەکان لێکنزیک بکرێنەوە و چارەسەرێک بدۆزرێتەوە بۆ رێگەگرتن لە داڕمانی بازاڕی نەوت لە جیهاندا".
ناوبراو ئاماژەی بەوەش دا، هیوادارن پەیوەندییەکانی عێراق ببنە هۆی لێک نزیک‌کردنەوەی بۆچونەکان بەشێوەیەک، کە خزمەتی گەلانی ئەندام لە رێکخراوی ئۆپێک و دەرەوەی رێکخراوەکەش بکات و باڵانسێک بۆ بازاڕی نەوت بەدەستبێت.
پاش ڕاگەیاندنی سیاسەتی نوێی نەوتی لەلایەن شانشینی سعوودیە و هەروەهاش بەهۆی بڵاوبونەوەی ڤایرۆسی کۆرۆناوە لەجیهاندا کاری دەیان کۆمپانیای گەورەی جیهان وەستاوە و بەهۆی ئەوەشەوە نرخی نەوتی خاو بەشێوەیێکی بەرچاو دابەزی، ئەوەش مەترسی لەسەر بودجەی عێراق دروستک ردوە، چوونکە سەرچاوەی سەرەکیی بودجە داهاتی نەوتە.
کۆدی هەواڵنێر: 60101
Your Comment