کوردپرێس:
لەعیا سدیق بەڕێوەبەری کەرەستە و پێداویستیی پزیشکی لە دایرەی خواردن و دەرمانی پارێزگای ئازەربایجانی ڕۆژئاوا بە ماڵپەڕی فارسی ئێرانی ڕاگەیاندووە ڕژدن لە سزادانی ئەو کەسانەی هەلپەرستی دەکەن و بە بۆنەی بڵاوبوونەوەی ڤایرۆسی کۆرۆناوە پێداویستیی خاوێن کردنەوە و دەمامک بە گران دەفرۆشن.
ناوبراو زیادی کرد: تیمەکانی فەرمانبەرانی ئەو دایرەیە بەردەوام بە سەر دەرمانخانە و کۆگاکانی پێداویستیی پزیشکیدا دەگەڕن و ڕۆژی ڕابردوو دوو کۆگای فرۆشتنی پێداویستیی پزیشکییان قەپات کردووە کە دەمامک و کەرەستەی خاوێن کردنەوەی بە گران فرۆشتووە.
شایانی باسە پاش بڵاوبوونەوەی ڤایرۆسی کۆرۆنا لە چەند شار و پارێزگایێکی ئێران، نیگەرانیی ئەوە لای هاووڵاتییان دروست بووە کە دەرمانخانەکان دەمامک و کەرەستەی خاوێن کردنەوە بە هاووڵاتییان نەفرۆشن و لە هەندێک دەرمانخانەشدا یان خود دەمامک نافرۆشن یان بە نرخێکی نەگونجاو و گران بە هاووڵاتییانی دەفرۆشن بۆیە ئەم بابەتە پێویستی بە سەرنجدانی زیاتر و چاودێریی دەزگا پێوەندیدارەکانە.
Your Comment