بەپێی هەواڵی کوردپرێس، لوقمان ئەزدەست بەڕێوەبەری پەیوەندییە گشتییەکانی مانگی سووری کوردستان ڕایگەیاند: ئەو ئامارانە کە باس لە ونبوونی 23 کۆڵبەر لە بەرزاییەکانی سەرشێوی سەقز دەکەن دوورن لە ڕاستی و ژمارەیان 16 کەس بوو کە ئێستا 14 کەسیان دۆزراونەتەوە.

بە وتەی ئەزدەست ئەو دوو کۆڵبەرەی دیکەش کە لە بەرزاییە بەفرییەکاندا دیاریان نەماوە لەگەڵ گرووپەکە نەبوون و لە هاوڕێکانیان جودا بوونەتەوە کە ئەمەش بووتە هۆکارێک کە تا ئێستا نەدۆرێنەوە و هەوڵەکان بۆ دۆزینەوەی ئەم دوو کەسەش درێژەی هەیە.

کۆدی هەواڵنێر: 60113