کوردپرێس، بەپێی راگەیەندراوێکی بارەگای بارزانی ئەمڕۆ شەممە 25-1-2020، مەسعوود بارزانی سەرۆکی پارتی دیموکراتی کوردستان لە سەڵاحەدین پێشوازیی لە نەجاح شەممەری، وەزیری بەرگریی عێراق کردووە.

لە دیدارەکەدا، بارزانی و نەجاح شەممەری، نیگەرانیی خۆیان لە مەترسییەکانی بەهێزبوونەوەی تیرۆر لە عێراق و ناوچەکە، نیشان داوە.

هەر لە دیدارەکەدا، جگە لە پێشهاتە سیاسی و ئەمنییەکان، گفتوگۆ لەبارەی تێپەڕاندن و کارکردن لەسەر بابەتە ستراتیژییەکانی عێراق کراوە و هەردوو لا جەختیان لەسەر ئەوە کردووەتەوە، کەپێویستە ئەو پرسە ستراتیژییانە بە تەوافوقی نیشتمانی تێپەڕێندرێن.

کۆدی هەواڵنێر: 60113