به‌پێی هه‌واڵی کوردپرێس، موزه‌یه‌ن گونه‌یش نوێنه‌ری پارتی دیموكراتی گه‌لان (HDP) له هه‌رێمی كوردستان به (باسنیوز) ڕاگه‌یاند: له كاتژمێر 9ی سه‌رله‌به‌یانیی ڕۆژی یه‌کشه‌ممه 17ی حوزه‌یران پڕۆسه‌ی ده‌نگدان له هه‌رێمی كوردستان ده‌ستی پێكرد و تاكوو كاتژمێر 9ی شه‌و به‌رده‌وام بوو.
نوێنه‌ری هه‌ده‌په ئاماژه‌ی بۆ ئه‌وه‌ش کرد پڕۆسه‌ی ده‌نگدانه‌كه له کونسووڵخانه‌ی توركیا له هه‌رێمی كوردستان به‌ڕێوه چوو و بڕیار وابوو یه‌ک رۆژ بخایه‌نێت و له‌سه‌ر سندوقه‌كانی ده‌نگدان نوێنه‌ری هه‌ده‌په‌ش ئاماده بوو.
هاووڵاتیانی توركیا له سه‌رجه‌م شاره‌كانی هه‌رێم هاتنه کونسووڵخانه‌ی توركیا له هه‌ولێر و ده‌نگی خۆیانیان خسته نێو سندۆقی ده‌نگدانه‌وه.
نوێنه‌ری هه‌ده‌په له هه‌رێمی كوردستان وتیشی: هه‌ده‌په به ئاسانی ده‌توانێت له‌م هه‌ڵبژاردنه‌دا به‌ربه‌ستی له‌سه‌دا 10 تێپه‌ڕێنێت و هه‌ده‌په هێزێک نییه ته‌نیا له ناوچه كوردنشینه‌كان قه‌تیس بووبێته‌وه به‌ڵکوو ده‌توانێ له ده‌ره‌وه‌ی تورکیاش ده‌نگی پێویست به‌ده‌ست بهێنێت."
سه‌رچاوه: باس نیووز
کۆدی هه‌واڵنێر: 60103
Your Comment