بەپێی هەواڵی کوردپرێس، وەزارەتی بەرگریی بریتانیا لە راگەیەنراوێکدا ئاماژەی بەوەکردووە، لەچوارچێوەی هەماهەنگی نێوان هاوپەیمانی نێودەوڵەتی بۆ بەرەنگاربوونەوەی داعش لەگەڵ هێزەکانی عێراق ژمارەیێک پێگەی داعش لە چیای مەخموور بۆردوومان کران و ئۆپراسیۆنەکەش "سەرکەوتوو" بووە.
ئەوەش هاتووە، بریتانیا لەگەڵ هاوبەشەکانی لە عێراق و هێزەکانی هاوپەیمانان، بەردەوامن لە هەوڵەکان بۆ کۆتیی هێنان بە بوونی گرووپی چەکداریی داعش لەو ناوچانەی کە خۆیان تێدا حەشار داوە.
وەزارەتی بەرگریی بریتانیا ئەوەشی خستوەتەڕوو، لەندەن پابەندە بە شکستپێهێنانی داعش و ئەو ئۆپراسیۆنەش دەبێتە هۆی ئەوەی توانای داعش بۆ بڵاو کردنەوەی "ئایدۆلۆژیا ژەهراوییەکەی لە عێراق و جیهان کەم ببێتەوە".
کۆدی هەواڵنێر: 60113
Your Comment