به‌پێی هه‌واڵی کوردپرێس، تۆڕی هه‌واڵی SNN ئیدعا ده‌کات یه‌كێتیی نیشتیمانیی كوردستان دوا هه‌ڵوێست له به‌رامبه‌ر لایه‌نه ناڕازییه‌كانی هه‌رێمی كوردستان ڕاده‌گه‌یێنێت و ده‌ڵێت: "به‌گوێره‌ی ده‌ستوور هه‌ر كه‌س و لایه‌نێک ئازاده له‌وه‌ی خۆی كاندید بكات بۆ پۆستی سه‌رۆک كۆمار به‌گوێره‌ی ئه‌و مه‌رجانه‌ی دیاری كراون".
وتیشی: "ئێمه وه‌ک یه‌كێتیی ئه‌گه‌ر كاندیدمان هه‌بێت، ناتوانین ڕێگریی له هیچ لایه‌نێک بكه‌ین كه كاندیدیان نه‌بێت بۆ ئه‌و پۆسته، بۆیه ئه‌گه‌ر یه‌كێتیی كاندیدی هه‌بێت و له هه‌مانكاتیشدا لایه‌نه ناڕازییه‌كانیش هه‌موویان یه‌ک كاندیدیان هه‌بێت، ئازادن".
سه‌ركردایه‌تییه‌كه‌ی یه‌كێتیی جه‌ختی كرده‌وه: "له بابه‌تی یه‌كلا كردنه‌وه‌ی پۆسته‌كه‌دا یه‌كێتیی هه‌ماهه‌نگی زیاتری له‌گه‌ڵ لایه‌نی شیعه و سوننه و فراكسیۆنه‌كانی دیكه‌ی نێو ئه‌نجومه‌نی نوێنه‌ران هه‌یه، بۆیه ده‌توانێت ئه‌و بابه‌ته زۆر ئاسان یه‌كلا بكاته‌وه بۆ كاندیده‌كه‌ی خۆی".
جه‌ختیشی كرده‌وه: "یه‌كلاكردنه‌وه‌ی كاندیدی پۆستی سه‌رۆک كۆمار به ده‌نگدان ئه‌نجومه‌نی نوێنه‌ران یه‌كلا ده‌كرێته‌وه، به‌تایبه‌ت له‌كاتی دروست بوونی كێبڕكێ له‌سه‌ر ئه‌وه‌ی ئه‌و پۆسته بۆ كێ یه‌كلا ده‌كرێته‌وه".
کۆدی هه‌واڵنێر: 60104
Your Comment