به‌پێی هه‌واڵی کوردپرێس، بڕیاروایه‌ هه‌فته‌ی‌ داهاتوو نێچیرڤان بارزانی‌ سه‌رۆكی‌ حكوومه‌تی‌ هه‌رێم و كۆمیسیۆنی‌ باڵای‌ هه‌ڵبژاردن و ڕاپرسیی‌ هه‌رێم كۆ ببنه‌وه‌ سه‌باره‌ت به ‌هه‌ڵبژاردنی‌ ئه‌نجومه‌نی‌ پارێزگاكان كه‌ بڕیاروایه‌ ڕۆژی‌ 30ی‌ 9ی‌ 2018 له‌گه‌ڵ هه‌ڵبژاردنی‌ په‌رله‌مانی‌ كوردستاندا به‌ڕێوه‌بچێت.

هه‌ر له‌وباره‌وه‌ سلێمان مسته‌فا جێگری سه‌رۆكی كۆمیسیۆنی باڵای‌ هه‌ڵبژارن و ڕاپرسیی هه‌رێم به ‌SNNی ڕاگه‌یاند: "تا ئه‌م ساته‌ وه‌ک كۆمیسیۆن ئاگاداری كۆبوونه‌وه‌ نین له‌گه‌ڵ نێچیرڤان بارزانی سه‌رۆكی حكوومه‌تی هه‌رێم."

جێگری سه‌رۆكی كۆمیسیۆنی باڵای‌ هه‌ڵبژارن و ڕاپرسیی هه‌رێم جه‌ختیشی كرده‌وه‌ "هیچ واده‌یێکیش بۆ ئه‌و كۆبوونه‌وه‌یه‌ دیاری نه‌كراوه‌."

کۆدی هه‌واڵنێر: 60103