به‌پێی هه‌واڵی کوردپرێس، غه‌یاس سورچی وته‌بێژی مه‌ڵبه‌ندی نه‌ینه‌وای یه‌كێتی به SNNی ڕاگه‌یاند: بڕیاره‌كه‌ی ئه‌نجومه‌نی نوێنه‌رانی عێراق سه‌باره‌ت به هه‌ڵوه‌شاندنه‌وه‌ی ئه‌نجامی ده‌نگدانی ده‌ره‌وه و ئاواره‌كانی نیشته‌جێی كه‌مپه‌كان له پارێزگاكانی (ئه‌نبار، سه‌ڵاحه‌دین، نه‌ینه‌وا و دیاله)، بۆ كۆمیسیۆن پابه‌ند بوونی تێدا نییه و ده‌بێت دادگای فیدراڵی بڕیاری له‌سه‌ر بدات.
ناوبراو وتیشی: "هه‌ر كاتێک دادگای فیدراڵی بڕیاری دا به هه‌ڵوه‌شاندنه‌وه‌ی ده‌نگدانی ئاواره‌كان بێگومان كاریگه‌ری له‌سه‌ر ده‌نگی لایه‌نه كوردییه‌كانی مووسڵ ده‌بێت كه له‌و سنووره‌دا كورسییان هێناوه ئه‌ویش پارتی و یه‌كێتییه".
وته‌بێژی مه‌ڵبه‌ندی نه‌ینه‌وای یه‌كێتی ده‌ڵێت: "پارتی 6 كورسی له نه‌ینه‌وا هێناوه که پێنج كورسییان به ده‌نگی ئاواره‌كان بوووه بۆیه ئه‌گه‌ر بڕیاری هه‌ڵوه‌شاندنه‌وه‌ی ده‌نگی ئاواره‌كان جێبه‌جێ بكرێت پارتی كورسییه‌كانی له 6 كورسییه‌وه بۆ 1 یان 2 كورسی كه‌م ده‌بێته‌وه.
کۆدی هه‌واڵنێر: 60103
Your Comment