بەپێی هەواڵی کوردپرێس حسێن فیرووزی جێگری ئابووریی پارێزگاری کوردستان لەو بارەیەوە بە هەواڵنێرانی وتووە سامان پێدانی دەروازەی سنووری باشماخ و فراوان کردنی ژێرخانی ئابووریی ئەو سنوورە و دانیشتوانی دەوروبەری دەروازەی باشماخ کەوتۆتە ئەولەوییەتی ئیدارەی پارێزگاریی کوردستان و هەنگاوی باشیمان لەو بارەیەوە بڕیوە.
ناوبراو زیاتر گوتی بڕیارە بەم زووانە پارێزگاری کوردستان سەردانی دەروازەی سنووری باشماخیش بکات و 2 ملیار تمەنی تەرخان کردووە بۆ ئەو مەرزە و ئەرکی فراوان کردنی ژێرخانی ئابووریی دەروازە سنوورییەکەش کەوتۆتە ئەستۆی ئیدارەی گواستەنەوە و قیرتاو کردن و سامان پێدانی بازاڕچەی باشماخ پڕۆژە سەرەکییەکانی ئەو ئیدارەیە دەبێت.
فیرووزی ئەوەشی ئاشکرا کرد تا 45 ڕۆژی داهاتوو پڕۆژە و هەڵمەتی ئابووریی گەورە لە دەروازەی سنووری باشماخەوە دەبینرێت و چالاکیی پیلەوەرەکان لە سێ بازاڕچەی نێوان ئێران و هەرێمی کوردستانەوە دەست پێدەکات.
Your Comment