به‌پێی هه‌واڵی کوردپرێس، سه‌لاحه‌دین عوبه‌یدی له پرێس کۆنفڕانسێکدا ئاماژه‌ی دایه هاوپه‌یمانیی سائروون بۆ پۆستی سه‌رۆک وه‌زیرانی عێراق و پاڵپشتی له کاندیدا ناحیزبییه‌کان ده‌کات و خوازیاری دیاری کردنی وه‌زیرانی تکنۆکراته که سه‌ر به هیچ حیزبێک نه‌بن و وه‌زاره‌تخانه‌کانی خۆیان به بێ هیچ گوشارێک ئیداره بکه‌ن.
ناوبراو وتیشی: هاوپه‌یمانییه‌که‌ی به مه‌رجی ئه‌وه‌ی که حه‌یده‌ر عه‌بادی ئه‌و مه‌رجانه‌ی هه‌بێت، له‌مپه‌رێک له به‌رده‌م کاندیدابوونی بۆ پۆستی سه‌رۆک وه‌زیرانی عێراق نابینێت.
عوبه‌یدی جه‌ختیشی کرده‌وه که ته‌نها هاوپه‌یمانییێک که ده‌توانێت فراکسیۆنی گه‌وره‌ی په‌رله‌مانی و ده‌وڵه‌تی داهاتووی عێراق پێکبهێنێت که به‌رنامه‌یێکی بۆ به‌ره‌نگاربوونه‌وه‌ی گه‌نده‌ڵی له وڵات ببێت.
سه‌رچاوه: هه‌واڵده‌ریی سکای پرێس
کۆدی هه‌واڵنێر: 60104
Your Comment