به‌پێی هه‌واڵی کوردپرێس، ئه‌مڕۆ چوارشه‌ممه 23ی ئایار شاندی پارتی و یه‌کێتی له به‌غدا کۆنفرانسێکی هه‌واڵییان ئه‌نجام دا و تیایدا خالید شوانی ئاماژه‌ی به‌وه کرد په‌رته‌وازه‌ییێکی گه‌وره له نێوان هێزه عێراقییه‌کاندا هه‌یه و ئه‌گه‌ر کورد یه‌کگرتوو بێت ئه‌وا ده‌توانێت سوود له‌و په‌رته‌وازه‌یییه ببینێت.
ناوبراو وتیشی: "پێویسته له‌سه‌ر به‌رنامه‌یێکی سیاسیی کوردستانیانه ڕێکبکه‌وین و دانووستانی له‌سه‌ر بکه‌ین."
له‌لایێکی دیکه‌وه خه‌سره‌و گۆران ئه‌ندامی شاندی پارتی له کۆنفڕانسه‌که‌دا وتی: ده‌مانه‌وێت له‌گه‌ڵ لایه‌نه‌کان به یه‌ک تیم به‌شداری له دانووستانه‌کان بکه‌ین.
ناوبراو ئاماژه‌ی به‌وه‌ش کرد ئه‌م کۆبوونه‌وانه ته‌نیا بۆ دروست کردنی ته‌نسیق و هه‌ماهه‌نگی بوون بۆ دانووستانه‌کان.
شایانی باسه؛ ئه‌مڕۆ چوارشه‌ممه شانده‌که‌ی یه‌کێتی سه‌ردانی به‌غدای کرد و دوێنێش شاندێکی پارتی به سه‌رۆکایه‌تیی فازڵ میرانی گه‌یشته به‌غدا بۆ گفتوگۆ له‌گه‌ڵ لایه‌نه‌کان له‌سه‌ر پێکهێنانی حکوومه‌تی نوێی عێراق.
ئه‌وه‌ش له کاتێکدایه هه‌ڵبژاردنی په‌رله‌مانی عێراق ڕۆژی ١٢ی ئه‌م مانگه ئه‌نجام درا و گفتوگۆی لایه‌نه‌کانیش بۆ پێکهێنانی حکوومه‌تی نوێی عێراق ده‌ستی پێکردوووه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment