به‌پێی هه‌واڵی کوردپرێس، عه‌دنان عوسمان له‌ گفتوگۆ له‌گه‌ڵ ماڵپه‌ڕی هه‌واڵی "بغداد الیوم"دا ئاماژه‌ی دایه‌ ئه‌وه‌ی که‌ بزووتنه‌وه‌ی گۆڕان له‌ باره‌ی هاوپه‌یمانی و پێکهێنانی ده‌وڵه‌تی نوێی عێراق له‌گه‌ڵ هیچ حیزب و لایه‌نێکی سیاسی ڕێکنه‌که‌وتوووه‌.

ناوبراو وتیشی: بزووتنه‌وه‌ی گۆڕان بۆ ده‌ربڕینی بڕیار له‌ باره‌ی هاوپه‌یمانی له‌گه‌ڵ دیکه‌ی پارته‌کان، چاوه‌ڕوانی ڕاگه‌یاندنی ئه‌نجامی فه‌رمیی هه‌ڵبژاردن و ئه‌نجامی سکاڵاکان دژی کۆمیسیۆنی باڵای هه‌ڵبژاردنی عێراقه‌.

عوسمان زیادی کرد: بزووتنه‌وه‌ی گۆڕان هیچ هێڵێکی سووری هه‌مبه‌ر ڕه‌وتی سیاسی بۆ هاوپه‌یمانی له‌گه‌ڵ ئه‌وان نییه‌ به‌ڵام تا ئێستا ئه‌و بابه‌ته‌ی لێکنه‌داوه‌ته‌وه‌.

کۆدی هه‌واڵنێر: 60104