کوردپرێس- به‌پێی راگه‌یه‌نراوێكی سه‌رۆكایه‌تیی داواكاری گشتی، ده‌ركه‌وتووه له‌ناو هێزه ئاسمانییه‌كانی توركیادا ژمارەیێک سه‌رباز له رێگه‌ی ته‌له‌فۆنی سه‌ر شه‌قامه‌كانه‌وه په‌یوه‌ندیبان له‌گه‌ڵ ئیمامه‌كانی رێكخراوه‌كه هه‌بووه و له‌و رێگه‌یه‌وه هه‌واڵیان گۆڕیوه‌ته‌وه.
له چوارچێوه‌ی لێكۆڵینه‌وه‌كه‌دا، فه‌رمانی ده‌ستگیركردن بۆ 101 كه‌س ده‌رچووە كه 78 كه‌سیان په‌یوه‌ندییان له‌گه‌ڵ رێكخراوه‌كه هه‌بووه و 23ی دیكه‌شیان له دوای هه‌وڵی كووده‌تاكه‌ی 15ی ته‌مووز له‌سه‌ر كار ده‌ركرابوون.
تیمه‌كانی به‌ڕێوه‌به‌رایه‌تیی هۆبه‌ی به‌ره‌نگاربوونه‌وه‌ی تاوانه رێكخراوه‌كانی سه‌ر به به‌ڕێوه‌به‌رایه‌تیی ئاسایشی ئه‌نقه‌ره، له‌سه‌ر فه‌رمانی داواكاری گشتی ده‌ستیان به‌كار كرد و له 22 پارێزگای سه‌ر به ناوه‌ندی ئه‌نقه‌ره ئۆپه‌راسیۆنیان بۆ ده‌ستگیركردنی گومانلێكراوان ئه‌نجام دا.
له‌و ئۆپه‌راسیۆنه‌دا له كۆی 101 گومانلێكراو كه یەکێکیان لیوا و پێنجیان عەمیدن 37 كه‌سیان ده‌ستگیر كران.
کۆدی هەواڵنێر: 60101
Your Comment