به‌پێی هه‌واڵی کوردپرێس، بریاره‌ سه‌رله‌به‌یانیی ئه‌مڕۆ کاتژمێر ٠٩:٣٠ خوله‌ک له ‌زیندانی سینجان و له‌لایه‌ن دادگای سزای قورسی ئه‌نقه‌ره‌وه‌ دانیشتنی دادگایی یوکسێکداغ به‌ڕێوه بچێت.

له‌و باره‌یه‌وه‌ ئایشه‌ ئاجار باشاران په‌رله‌مانتاری هه‌ده‌په‌ ڕای‌گه‌یاند: "هه‌رچه‌ند په‌رله‌مانتارێتیی یوکسێکداغ لێی سه‌ندراوه‌ته‌وه‌ و له‌گه‌ڵ ئه‌وه‌شدا یوکسێکداغ به‌شێکه‌ له‌ تێکۆشانی هه‌ده‌په‌ به‌ڵام ناوبراو له‌ زیندانیشدا به‌رده‌وام بوووه‌ له‌ تێکۆشان و بوووه‌ به‌ ده‌نگی ژنانی زیندانی".

ئایشه‌ ئاجار ئاماژه‌ی به‌وه‌ش دا "ئه‌مڕۆ فیگن یوکسێکداغ له‌ دانیشتنه‌که‌دا ئاماده‌ ده‌بێت".

شایانی باسه‌؛ فیگه‌ن یوکسێکداغ ماوه‌ی ١٨ مانگه‌ له‌لایه‌ن حکوومه‌تی ئاکه‌په‌وه‌ زیندانی کراوه‌ و له‌و ماوه‌یه‌شدا مافی په‌رله‌مانتارێتی لێ سه‌ندراوه‌ته‌وه‌.

سه‌رچاوه‌: شارپرێس

کۆدی هه‌واڵنێر: 60103