به‌پێی هه‌واڵی کوردپرێس، عه‌بدولباری زێباری به‌ هه‌واڵده‌ریی شه‌فه‌ق نیووزی وت: هه‌ڵوێستی ده‌وڵه‌تی عێراق له‌باره‌ی دۆسیه‌ی ناڤۆکیی ئێران ئاشکرایه‌ چوونکه‌ هه‌رگیز خوازیاری ته‌شه‌نه‌ سه‌ندنی ته‌نگه‌ژه‌ له‌ ناوچه‌که‌ نییه‌ و له‌سه‌ر زه‌رووره‌تی ئه‌نجام‌دانی دانووستان ته‌ئکید ده‌کاته‌وه‌.

ناوبراو ده‌شڵێت: ئه‌گه‌ر ڕێککه‌وتنی ئه‌تۆمیی ئێران و ئه‌مریکا هه‌ڵبوه‌شێندرێته‌وه‌ هیچ جۆره‌ کارتێکه‌رییێکی له‌سه‌ر پڕۆسه‌ی هه‌ڵبژاردنی داهاتووی په‌رله‌مانی عێراق نابێت.

زێباری جه‌ختیشی کرده‌وه‌ که‌ ته‌شه‌نه‌ سه‌ندنی ته‌نگه‌ژه‌ له‌باره‌ی هه‌ر جۆره‌ پرسی سیاسی یان سه‌ربازی به‌ شێوه‌ی گشتی له‌سه‌ر ناوچه‌که‌ و به‌ شێوه‌ی تایبه‌ت کارتێکه‌ری له‌سه‌ر عێراق ده‌بێت به‌ڵام به‌و حاڵه‌شه‌وه‌ به‌ڕێوه‌چوونی هه‌ڵبژاردن له‌ عێراق و ئه‌نجامه‌که‌ی له‌ هه‌موو شتێکی‌تر گرینگتره‌.

کۆدی هه‌واڵنێر: 60103