به‌پێی هه‌واڵی کوردپرێس، محه‌مه‌د موحیی له گفتوگۆ له‌گه‌ڵ هه‌واڵده‌ریی "الاتجاه پرس"دا ئاماژه‌ی دایه ئه‌وه‌ی که ئه‌مریکا به ناوی هاوپه‌یمانیی نێوده‌وڵه‌تیی دژه داعش و له ڕێگای بڵاو کردنه‌وه‌ی به‌یاننامه‌یێک له‌مه‌ڕ بڕیار له سه‌ر پاشه‌کشێی هێزه‌کانی ئه‌و هاوپه‌یمانییه له عێراق له ڕاستیدا بۆ فریودانی عێراقییه‌کان هه‌وڵ ده‌دات.
ناوبراو وتیشی: ڕاستییه‌که ئه‌وه‌یه که ئه‌مریکا خوازیاری کشانه‌وه له عێراق نییه و به‌رده‌وام چاوه‌ڕوانی ئه‌نجامی هه‌ڵبژاردنه‌کانی عێراق و لوبنان و ڕووداوه‌کانی سووریا و ئه‌گه‌ری هه‌ڵوه‌شاندنه‌وه‌ی گرێبه‌ستی ئه‌تۆمیی ئێران بۆ ئاماده‌بوونی زیاتر له ناوچه‌که ده‌کات.
موحیی زیادیشی کرد: "ئێمه هیوامان به ده‌وڵه‌تی داهاتوو و پارته سیاسییه‌کانی عێراق هه‌یه بۆ چوونه‌ده‌ره‌وه‌ی هێزه ئه‌مریکییه‌کان و هه‌ر هێزێکی دیکه‌ی بیانی له عێراق و پاراستنی سه‌روه‌ریی ته‌واوی ئه‌و وڵاته؛ چوونکه ئه‌و هێزانه بۆ به‌دیهاتنی ئامانجگه‌لێک له عێراق هه‌وڵ ده‌دات که به سوودی عێراق و ناوچه‌که نابێت."
کۆدی هه‌واڵنێر: 60104
Your Comment